Home இலங்கை கிளிநொச்சியில் கோர விபத்து!! ஒருவர் பலி நால்வர் படுகாயம்

கிளிநொச்சியில் கோர விபத்து!! ஒருவர் பலி நால்வர் படுகாயம்

8129
0

கிளிநொச்சி ஏ9 வீதியில் இன்று 4.30 மணியளவில் இடம்பெற்ற விபத்தில் ஒருவர் பலியாகியுள்ளதுடன் நால்வர் படுகாயமடைந்துள்ளதாக எமது முத்தமிழ் செய்தியாளர் தெரிவித்துள்ளார்.

குறித்த விபத்தில் வானில் பயணித்த ஐவர் காயமடைந்த அதேவேளை அதில் மூவர் படுகாயங்களிற்குள்ளாகிய நிலையில் கிளிநொச்சி வைத்தியசாலையில் அனுமதிக்கப்பட்டுள்ளனர்.

விபத்தில் படுகாயமடைந்தவர்களில் யாழ்ப்பாணம் வசாவிளான் பகுதியை சேர்ந்த கதிர்பிள்ளை இரத்தினம் என்பவர் சிகிச்சை பலனின்றி வைத்தியசாலையில் உயிரிழந்துள்ளார் என வைத்தியசாலை தகவல் தெரிவித்ததாக அவர் மேலும் தெரிவித்துள்ளார்.

ஏ9 வீதியில் கிளிநொச்சி பொலிஸ் பிரிவிற்குட்பட்ட 156ம் கட்டை பகுதியில் குறித்த விபத்து இடம்பெற்றுள்ளது.

யாழிலிருந்து பயணித்த வான் மீது கிளிநொச்சி நோக்கி எதிர் திசையில்  பயணித்த டிப்பர் மோதியதில் குறித்த விபத்து இடம்பெற்றுள்ளது.

படுகாயமடைந்தவர்களில் 30 வயது குடும்ப பெண் மற்றும் அவரது ஒன்றரை வயது குழந்தையும் அடங்குவதாக வைத்தியசாலை தகவல்கள் தெரிவிக்கின்றன.

டிப்பர் வாகனத்தின் பிரேக் தடுப்பு செயலிழந்தமையால் குறித்த விபத்து இடம்பெற்றுள்ளதாக பொலிசாரின் ஆரம்பகட்ட விசாரணைகளில் இருந்து தெரியவந்துள்ளது.

இதேவேளை விபத்தில் சிக்கிய வான் மூன்றுமுறை தடம்புரண்டுள்ளதாக தெரிவிக்கும் மக்கள் வீதியின் ஓரத்தில் வீதி அபிவிருத்தி அதிகார சபையால் அமைக்கப்பட்டுள்ள வடிகான் ஆபத்தானதாக அமைந்துள்ளதாகவும் குற்றம் சாட்டுகின்றனர்.

விபத்து தொடர்பான மேலதிக விசாரணைகளை கிளிநொச்சி போலிசார் முன்னெடுத்து வருகின்றனர் என அவர் மேலும் தெரிவித்துள்ளார்.

LEAVE A REPLY

Please enter your comment!
Please enter your name here